სრული ინფორმაცია
გაზეთ „სარბიელის“ ტრადიციულ გამოკითხვაში, 81-მა სპორტულმა ჟურნალისტმა საქართველოს 2020-2021 წლების სეზონის საუკეთესო დებიუტანტ ფეხბურთელად ბოლნისელი სპორსტმენი, საქართველოს ეროვნული ნაკრებისა და ავსტრიული „ვოლფსბერგის“ წევრი გურამ გიორბელიძე დაასახელა.
აღსანიშნავია, რომ გურამ გიორბელიძე ნომინაციის პირველი გამარჯვებული გახდა. ახალგაზრდა ფეხბურთელის წარმატებას ბოლნისის მუნიციპალიტეტის მერი დავით შერაზადიშვილი საკუთარ ფეისბუქის გვერდზე გამოეხმაურა.
,,მან უკვე არაერთხელ ასახელა ჩვენი მუნიციპალიტეტი და მისით თითოეული ბოლნისელი განსაკუთრებით ვამაყობთ. მინდა, გურამს საკლუბო და სანაკრებო კარიერაში წარმატებები ვუსურვო. მჯერა, ის მომავალში არაერთ საფეხბურთო მწვერვალს დაიპყრობს!"- წერს დავით შერაზადიშვილი.