სრული ინფორმაცია
2023 წლის ადგილობრივი თვითმმართველობის ინდექსის შედეგების მიხედვით, ბოლნისი 2021 წლის მონაცემებთან შედარებით 30%-ით დაწინაურდა და გამჭვირვალობის ინდექსით ქვემო ქართლში მოწინავე მუნიციპალიტეტი გახდა 43%- იანი ნიშნულით.
64 მუნიციპალიტეტს შორის ბოლნისი მე- 15 ადგილზეა, თუმცა კვლავინდებურად დაბალია ბოლნისის მუნიციპალიტეტის საკრებულოს რეიტინგი.
მაღალია, ბოლნისის მუნიციპალიტეტის მერიის ინდექსი მუნიციპალიტეტის წლიური ანგარიშების გასაჯაროვებასა და საზოგადოებისთვის წარდგენაში. მერიას 100%- იანი ნიშნული აქვს მინიჭებული მაშინ, როცა ბოლნისის მუნიციპალიტეტის საკრებულოს ნიშნულების მოდუში 0% უწერია.
შედარებით დაბალია ბოლნისის მუნიციპალიტეტის მერიის ინდექსი საჯარო ინფორმაციის ხელმისაწვდომობაზე და 64 მუნიციპალიტეტს შორის მე 15 პოზიციაზეა. ბოლნისმა 2021 წლის მონაცემებთან შედარებით, რეიტინგი 28%-ით გაიმყარა და 46%იან ნიშნულზე გაჩერდა თუმცა, ბოლნისის უნიციპალიტეტის საკრებულო აქაც მოიკოჭლებს და 33%-იან ნიშნულს სჯერდება. უნდა აღინიშნოს, რომ 2021 წლის მონაცემებთან შედარებით საკრებულოსთვის ეს ნიშნული დიდი გამარჯვებაა , რადგან 2021 წელს 5%-იან ნიშნულზე იდგა.
ზოგადად თვითმმართველობის ინდექსით ბოლნისის მუნიციპალიტეტი 2021 წელს 13%-ზე იდგა და რეიტინგში 55-ე ადგილს იკავებდა.
2023 წლის შედეგით თვითმმართველობის ინდექსს 5 მოწინავე მუნიციპალიტეტი ჰყავს : ფოთი, ამბროლაური, ლაგოდეხი მესტია და ონი, თუმცა ბოლნისი უსწრებს დედაქალაქს , ქუთაისს, გორს, რუსთავსა და მცხეთას.
ინდექსი წარმოადგენს საქართველოს მუნიციპალიტეტების შეფასების ინსტრუმენტს, რომელიც განსაზღვრული კრიტერიუმებით აფასებს მუნიციპალიტეტში ღიაობისა და გამჭვირვალობის, საჯარო ინფორმაციის პროაქტიული გამოქვეყნების, ელექტრონული მმართველობის, მოქალაქეთა მონაწილეობის ხელშეწყობისა და ანგარიშვალდებულების ხარისხს.
წყარო: http://www.lsgindex.org/