სრული ინფორმაცია
საქართველოს მთავრობის ადმინისტრაციის ინიციატივით, ბოლნისში მუსიკალური საღამო მოეწყო
ბოლნისის კულტურისა და დასვენების პარკმა, საქართველოს მთავრობის ადმინისტრაციის ორგანიზებით, მუსიკალურ საღამოს უმასპინძლა. ღონისძიების სტუმრების განწყობაზე ანიმატორებმა და ზღაპრის გმირებმა იზრუნეს.
ღონისძიების ფარგლებში მოეწყო საპნის ბუშტების შოუ, ადგილობრივი მეწარმეების ნაწარმის გამოფენა-გაყიდვა, ღია კაფეტერია, საბავშვო სივრცე სხვადასხვა შემეცნებითი და გასართობი აქტივობით, თოჯინების თეატრითა და ვორქშოპით.
მუსიკალური საღამო დასრულდა სადღესასწაულო კონცერტით, რომელშიც მონაწილეობა ბენდმა „ბანდეროლი“ და „ჩვენებურებმა“ მიიღეს. კონცერტს მსახიობი ლაშა გურგენიძე უძღვებოდა.
აღსანიშნავია, რომ საქართველოს მთავრობის ინიციატივით მუსიკალური საღამოები მთელი ქვეყნის მასშტაბით წელს პირველად გაიმართება.