RadioWW / » ბოლნისი » ქალაქ ბოლნისში საძმო სასაფლაოს მოწყობის სამუშაოები მიმდინარეობს

ქალაქ ბოლნისში საძმო სასაფლაოს მოწყობის სამუშაოები მიმდინარეობს

თარიღი: 22-08-2022, 12:30 ნანახია: 302
სრული ინფორმაცია

2021 წელს, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატისა და წითელი ჯვრის საერთაშორისო კომიტეტის ძალისხმევით, 1992-1993 წლებში აფხაზეთის შეიარაღებული კონფლიქტის შედეგად დაღუპული ბოლნისელი მებრძოლის, ვახტანგ გორგასლის II ხარისხის ორდენის მფლობელი სამხედროს, ლევან მემანიშვილის ნეშტის იდენტიფიცირება გახდა შესაძლებელი. დაღუპული მეომრის ოჯახის სურვილის შესაბამისად, ლევან მემანიშვილის ნეშტი მის მშობლიურ ქალაქ ბოლნისში, სამხედრო პატივით დაიკრძალა.

ბოლნისის მუნიციპალიტეტის გადაწყვეტილებით, იმ ადგილას, სადაც ლევან მემანიშვილია დაკრძალული, ძმათა სასაფლაოს მოწყობა მიმდინარეობს. სამუშაოებს ადგილზე ქვემო ქართლში სახელმწიფო რწმუნებული გიორგი დოხტურიშვილი და ბოლნისის მუნიციპალიტეტის მერი დავით შერაზადიშვილი გაეცნო. პროექტი ადგილობრივი ბიუჯეტიდან ფინანსდება და მისი ღირებულება 222 500 ლარს შეადგენს.

აღსანიშნავია, რომ ძმათა სასაფლაოზე ასევე მემორიალის მოწყობაც იგეგმება. მემორიალის პროექტი კონკურსის წესით შეირჩევა.

“ჩვენი ქვეყნის ტერიტორიული მთლიანობისთვის დაღუპული ბოლნისელი გმირების პატივის მისაგებად ძმათა სასაფლაოსა და მემორიალის მოწყობა უკვე დაიწყო. აქ უკვე დაკრძალულია აფხაზეთის კონფლიქტის შედეგად დაღუპული მეომარი ლევან მემანიშვილი, რომლის იდენტიფიცირებაც 2021 წელს გახდა შესაძლებელი. ჩვენთვის განსაკუთრებით მნიშვნელოვანია სამშობლოსთვის თავდადებული გმირების უკვდავყოფა და ეს პროექტი სწორედ ამ მიზანს ემსახურება”, - განაცხადა ბოლნისის მუნიციპალიტეტის მერმა დავით შერაზადიშვილმა.

პოპულალური სიახლეები

პირდაპირი ეთერი

COVID-INFO

ბლოგები

.

    «    May 2024    »
    MonTueWedThuFriSatSun
     12345
    6789101112
    13141516171819
    20212223242526
    2728293031 
    მოცემული ვებ გვერდი Global Fund For Women -ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში." პროგრამა რეგიონში ქვემო ქართლის ქალთა ასოციაციამ ,,ქალი და სამყარო" განახორციელა.

ქალთა რადიო ვივი (Women and the World) შექმნილია ქვემო ქართლის ქალთა ასოციაცია ,,ქალი და სამყაროს" მიერ Global Fund For the Women-ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში."