RadioWW / » ბოლნისი » ბოლნისში პროფესიული სასწავლებლის მშენებლობა მიმდინარეობს

ბოლნისში პროფესიული სასწავლებლის მშენებლობა მიმდინარეობს

თარიღი: 27-06-2023, 13:03 ნანახია: 334
სრული ინფორმაცია

ქალაქ ბოლნისში თანამედროვე სტანდარტებთან შესაბამისი პროფესიული სასწავლებლის მშენებლობა მიმდინარეობს
საქართველოს განათლებისა და მეცნიერების სამინისტროს დაფინანსებით, ქალაქ ბოლნისში თანამედროვე სტანდარტებთან შესაბამისი პროფესიული სასწავლებლის მშენებლობა აქტიურად მიმდინარეობს. სამსართულიანი სასწავლებელი 150 სტუდენტზეა გათვლილი. კოლეჯში მოეწყობა თეორიული სწავლების აუდიტორიები, ბიბლიოთეკა, ადმინისტრაციული სივრცე, საკონფერენციო და სადემონსტრაციო დარბაზები. შენობა აღჭურვილი იქნება გათბობა-გაგრილებისა და ვენტილაციის ცენტრალური სისტემით.

სასწავლებელი სრულად იქნება ადაპტირებული. შეზღუდული შესაძლებლობების მქონე პირთათვის მოეწყობა პანდუსები, ლიფტი და ადაპტირებული სველი წერტილები. სასწავლებლის ეზოში განთავსდება ღია სპორტული მოედანი, გამწვანებული რეკრეაციული ზონა, ტრენაჟორებით აღჭურვილი სავარჯიშო სივრცე და ავტოსადგომი.
სასწავლებელი მსურველებს პირველ ეტაპზე რეგიონის საჭიროებებზე მორგებულ მოკლევადიან და საკვალიფიკაციო პროფესიულ საგანმანათლებლო პროგრამებს შესთავაზებს. სტუდენტებს შესაძლებლობა ექნებათ შეისწავლონ იატაკისა და ფილის მოწყობა, კედლის დაფარვა, ელექტროობა, სანტექნიკის სისტემები, ინფორმაციის ტექნოლოგიის მხარდაჭერა, კომპიუტერული ქსელი და სისტემები.

პროფესიული სასწავლებლის მშენებლობას სსიპ „საგანმანათლებლო და სამეცნიერო ინფრასტრუქტურის განვითარების სააგენტოს“ დირექტორი ლევან სუხიტაშვილი, ქვემო ქართლში სახელმწიფო რწმუნებული გიორგი დოხტურიშვილი, ბოლნისის, დმანისის, თეთრიწყაროსა და წალკის მაჟორიტარი დეპუტატი გოგი მეშველიანი, ბოლნისის მუნიციპალიტეტის მერი დავით შერაზადიშვილი და ადგილობრივი თვითმმართველობის წარმომადგენლები გაეცნენ.
მრავალპროფილური სასწავლებლის მშენებლობა 2024 წლის ბოლოს დასრულდება. პროექტის სრული ღირებულება 6 700 000 ლარს შეადგენს.

წყარო: ბოლნისის მუნიციპალიტეტის მერია

პოპულალური სიახლეები

პირდაპირი ეთერი

COVID-INFO

ბლოგები

.

    «    April 2024    »
    MonTueWedThuFriSatSun
    1234567
    891011121314
    15161718192021
    22232425262728
    2930 
    მოცემული ვებ გვერდი Global Fund For Women -ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში." პროგრამა რეგიონში ქვემო ქართლის ქალთა ასოციაციამ ,,ქალი და სამყარო" განახორციელა.

ქალთა რადიო ვივი (Women and the World) შექმნილია ქვემო ქართლის ქალთა ასოციაცია ,,ქალი და სამყაროს" მიერ Global Fund For the Women-ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში."