სრული ინფორმაცია
ბოლნისში ნარჩენების მართვის განსხვავებული სტანდარტი არსებობს, საზოგადოების დამოკიდებულება ნარჩენების მართვის გეგმის მიმართ არაერთგვაროვანია , რაც დაზიანებულ და ცეცხლწაკიდებულ სანაგვე ურნებსაც ეტყობა.
ბოლნისის მერიის შპს კომუნალური მეურნეობის სამსახურის ხელმძღვანელის შმაგი სვანიძის თქმით, ნარჩენების ურნებზე ზედამხედველობა მათ კომპეტენციაში, ცოტა ხნის წინ გადმოვიდა. სწორედ იმის გამო, რომ ხშირია ურნების დაზიანების ფაქტები , როგორც ქალაქში, ისე მუნიციპალიტეტის ტერიტორიაზე 2020 წლის დეკემბერში, დამატებით 60 ახალი ურნის შეძენა გახდა საჭირო.
,, მუნიციპალიტეტის ეკონომიკის სამსახური მუდმივად აფიქსირებდა ურნების დაზიანების ფაქტებს, არსებობს კონკრეტული აქტებიც. მას შემდეგ, რაც ჩვენ გადმოგვეცა მხოლოდ ერთი აქტის შედგენა მოვახერხეთ. ნაჩენების ურნებთან დარაჯს ვერ დავაყენებთ და სასურველია სამოქალაქო საზოგადოების ცნობიერებაში გაჩნდეს კუთვნილების განცდა, რომ ეს ქალაქი მათია."- განაცხადა შმაგი სვანიძემ.
შპს კომუნალური მეურნეობის სამსახურის ხელმძღვანელის თქმით, დაზიანების ფაქტზე ჯერჯერობით არცეთი პირის, არც გამოვლენა მომხდარა და არც შესაბამისი სანქციის დაკისრება.
საყოფაცხოვრებო ნარჩენებისთვის განკუთვნილი პლასტმასის ერთი ურნის ფასი კი საშუალოდ 500 -დან 600 ლარამდე მერყეობს.
ქალაქი ბოლნისი ასათიანის ქუჩა