2021 წელს ჯამში საქართველოს 2 504 მოქალაქის რეადმისია განხორციელდა

შინაგან საქმეთა სამინისტრომ რეადმისიის ფარგლებში უნებართვოდ მცხოვრები საქართველოს მოქალაქეების უკან დაბრუნების 2021 წლის სტატისტიკა გამოქვეყნა. როგორც ოფიციალური მონაცემებიდან ირკვევა, 2021 წელს ჯამში საქართველოს 2 504 მოქალაქის რეადმისია განხორციელდა.

კერძოდ, შინაგან საქმეთა სამინისტროს მიერ გამოქვეყნებული მონაცემების თანახმად, 2021 წელს საქართველომ სულ 2 547 რეადმისიის განაცხადი მიიღო. აქედან 2 504 განაცხადი - დააკმაყოფილა, ხოლო 43-ზე - უარყოფითი გადაწყვეტილება მიიღო.

რეადმისიის ფარგლებში უნებართვოდ მცხოვრები საქართველოს ყველაზე მეტი - 1 298 მოქალაქე გერმანიიდან დააბრუნეს,

საფრანგეთიდან - 550;

საბერძნეთიდან - 135,

შვეიცარიიდან -127,

იტალიიდან - 66;

ესპანეთიდან 55;

შვედეთიდან - 38,

ავსტრიიდან - 37,

ხოლო სხვა ქვეყნებით მათი რაოდენობა კიდევ უფრო მცირეა.

ცნობისთვის, საქართველოს რეადმისიის შეთანხმებები გაფორმებული აქვს ევროკავშირთან, დანიასთან, ნორვეგიასთან, მოლდოვასთან და ა.შ.