სრული ინფორმაცია

გადაცემის თემაა: ქალთა საინფორმაციო ცენტრის მიერ ჩატარებული კვლევა „ქალთა პოლიტიკური მონაწილეობისა და გენდერული სტერეოტიპების შესახებ".

ბავშვთა ქორწინება, გოგონების მოტაცების ტრადიცია, ოჯახში ან/და ქალთა მიმართ ძალადობა, დამოკიდებულება ქალთა პოლიტიკური მონაწილეობის გაზრდისადმი - ამ და სხვა საკვლევი საკითხების შესახებ გამოქვეყნდა "ქალთა საინფორმაციო ცენტრის" მიერ, საქართველოს ხუთ მუნიციპალიტეტში ჩატარებული ორი კვლევა,

"გენდერული სტერეოტიპები და მავნე წეს-ჩვეულებები" და "სავალდებულო გენდერული კვოტების მექანიზმის გავლენა ადგილობრივი თვითმმართველობის პოლიტიკაზე".

კვლევის მიზანს წარმოადგენდა საზოგადოებაში არსებული გენდერული სტერეოტიპების, გენდერული ნორმებისა და გენდერულად დისკრიმინაციული, მავნე წეს-ჩვეულებების, ასევე ქალთა პოლიტიკური მონაწილეობის კუთხით არსებული მდგომარეობის შესწავლა 5 სამიზნე მუნიციპალიტეტში: ხაშურში, ბოლნისში, ქედაში,ზუგდიდსა და ხარაგაულში.

კვლევის მონაცემები 2022 წლის ივლისსა და აგვისტოში შეიკრიბა და წარიმართა, როგორც რაოდენობრივი, ისე თვისებრივი მეთოდებით. ჩატარდა გამოკითხვა და გამოქვეყნდა კვლევები.

გადაცემის სტუმრები არიან: ლელა ხომერიკი- ქალთა საინფორმაციო ცენტრის ექსპერტი გენდერის საკითხებში, კვლევის ავტორი და თეონა ჩიქოვანი პროექტის მენეჯერი, რომლებიც უფრო დაწვრილებით ისაუბრებენ კვლევის შედეგების შესახებ.