DataLife Engine > Версия для печати > საქართველოში ევროკავშირის სადამკვირვებლო მისიამ, ბ-ნი ზვიად მჭედლიშვილი, „მშვიდობის ჟურნალისტიკის სპეციალური პრიზის“ 2020 წლის გამარჯვებულად გამოაცხადა

თბილისი, 2022 წლის 3 მაისი - საქართველოში ევროკავშირის სადამკვირვებლო მისიის ხელმძღვანელმა, ელჩმა მარეკ შჩიგელმა ევროკავშირის სადამკვირვებლო მისიის სპეციალური პრიზი მშვიდობის ჟურნალისტიკაში გადასცა ბ-ნ ზვიად მჭედლიშვილს Newscaucasus.com-დან. მან მოიპოვა პრიზი დოკუმენტური ფილმისთვის „არასოდეს უკითხავთ/არ გვეკითხებიან“, „Never been asked/Never are“ რომელიც ასახავს 1990-იანი წლების დასაწყისის კონფლიქტების შემდეგ დაბადებული ექვსი ახალგაზრდის ცხოვრებას, რომლებიც ცხოვრობენ აფხაზეთის ადმინისტრაციული საზღვრის ორივე მხარეს.

პრიზი ბ-ნ მჭედლიშვილს შესაძლებლობას მისცემს გაიაროს ერთთვიანი სტაჟირება ომისა და მშვიდობის გაშუქების ინსტიტუტის სათაო ოფისში, ლონდონში.

გამარჯვებულის გარდა, შემდეგმა ჟურნალისტებმა მიიღეს საპატიო ჯილდოები მათი შესანიშნავი ნამუშევრებისთვის:

• ქ-ნი ოქტიაბრინა წიქორიძე Radio WW-დან მისი ბლოგისთვის „დინაზე უნდა დაგელაპარაკოთ“ “I want to talk about Dina”

• ბ-ნი სულიკო წიწიკაშვილი მედია პლატფორმიდან Qartli.ge მისი სტატიისთვის „ახალგორელები ძველი და ახალი გზების ძიებაში“ “People from Akhalgori Exploring Old and New Ways”

• ქ-ნი. მარიამ ჯაჭვაძე Chai Khana Media/Current Time TV-დან მისი დოკუმენტური ფილმისთვის „ცხოვრება ომის შემდეგ“ “Life after War”