„1-3% თუ შეძლებს, ბაზარზე დაბრუნებას - სარესტორნე ბიზნესი განადგურებულია“

„სარესტორნე ბიზნესი განადგურებულია და ბაზარზე დაბრუნებას ძალიან მცირე ნაწილი შეძლებს“. ამის შესახებ, რადიო „პალიტრასა“ და „პალიტრანიუსის“ გადაცემაში „საქმე“ რესტორატორთა ასოციაციის დამფუძნებელმა კოტე გაბრიჩიძემ განაცხადა.

„სარესტორნე ბიზნესი განადგურებულია. ჩავთვალოთ, 99% მკვდარია უკვე. უამრავი კომპანია ფართის მეპატრონეებმა უკვე გამოყარეს ქუჩაში, იმიტომ, რომ ვერ გადაიხადეს იჯარა. ძალიან ცოტა, 1-3% თუ შეძლებს, ბაზარზე დაბრუნებას,“-აღნიშნა გაბრიჩიძემ.

„15 ბიზნესასოციაცია გავერთიანდით და ვთქვით, რომ უკვე თითქმის 1 წელია ქვეყანა გაჩერებულია. რომელ ბიზნეს შეაქვს გადასახადი ბიუჯეტში? თითქმის 3 თვეა ვითხოვთ ეპიდემიოლოგებთან შეხვედრას, რომ მოვისმინოთ მათი არგუმენტები. დოვლათს ვქმნით ჩვენ. გაჩერებულ მდგომარეობაში ბიზნესი არ იხდის გადასახადს და ვამბობთ, რომ ბიუჯეტი დღე-დღეზე გათავდება. ვეღარ მიიღებს ხელფასს ვერავინ. პატრული 500 კაცს რომ აჯარიმებს ყოველდღე, ბიუჯეტს ვერ შეავსებს. გაჩერებულია მთელი საქართველო, მუშაობს თითო-ოროლა ბიზნესი. მთელი წლის განმავლობაში რომელი დარგი ახერხებს ბიუჯეტის შევსებას? გაჩერებულია ქვეყანა. „დაეტიონ სახლში“ - ასეთ მოთხოვნებს ვინ ითხოვს იცით - ვინც ხელფასს იღებს იდეალურად, სახელმწიფოს ვგულისხმობ და ასეთ სფეროებს. მაგრამ ეს ფულიც გათავდება ცოტა ხანში და ხელფასს რომ ვერ მიიღებს მასწავლებელი, პოლიციელი, მერე გამოვიდნენ და თქვან, რომ ვიჯდეთ სახლში,“-აღნიშნა გაბრიჩიძემ.

წყარო: bpn