ლევან ხაბეიშვილი: ,,ამ დარბაზში ზის ის, ვინც გავრილოვის ჩამოყვანაზე ხელი მოაწერა. თუ ვინმეს ამნისტია სჭირდება, მგონია, რომ კობახიძეს "

ნანახია: 49
სრული ინფორმაცია

განცდა მაქვს, 90 პროკურორი, რომელმაც ნიკა მელია დაკავება გადაწყვიტეთ, ამ წრიდან გამოსვლას ცდილობთ და იმას, საზოგადოებას შეასაღოთ, თითქოს, ნიკა მელია ან ანტისაოკუპაციო აქციის მონაწილეები კანონს არღვევდნენ.

არადა, ამავე სხდომათა დარბაზში ზის ის, ვინც გავრილოვის ჩამოყვანაზე ხელი მოაწერა. მთავარი პირველი დამნაშავე ეს კაცია და თუ ვინმეს ამნისტია სჭირდება, მგონია, რომ კობახიძეს სჭირდება, - ამის შესახებ „ნაციონალური მოძრაობის“ წევრმა ლევან ხაბეიშვილმა პლენარულ სხდომაზე განაცხადა.

მისივე თქმით, მმართველი გუნდი ცდილობს ანტისაოკუპაციო აქციის მონაწილეები გაუთანაბროს ჯალათებს, რომლებმაც სისხლის სამართლის დანაშაული ჩაიდინეს.

„შარლ მიშელის დოკუმენტსა და მის სულისკვეთებაზე საუბრობდით. თქვენ საზოგადოებას გინდათ თვალებში ნაცარი შეაყაროთ. თქვენ ხომ არ მოაწერეთ ამ დოკუმენტზე ხელი, სადაც ორ პოლიტიკურად მოტივირებულ საქმეზე წერია? ანუ თქვენ თავად ხომ არ მოაწერეთ ხელი პოლიტიკურ მართლმსაჯულებას და შარლ მიშელის დოკუმენტი იმას ხომ არ ითვალისწინებდა, რომ გენახათ გზა ნიკა მელია გამოსაყვანად? გამომწყვდეული რომ გყავდათ ციხეში ტყვედ?
გამოსულიყავით ამ კრიზისიდან და ამასობაში გააჩინეთ ჩანაწერი, რომ თურმე თანხმობის გარეშე ამნისტია არ გავრცელდება კონკრეტულ პირზე. შარლ მიშელი იმიტომ იყო ჩამოსული ან ევროკავშირი შეწუხებული, გავრილოვის ღამეს თვალები რომ დათხარეთ ახალგაზრდებს თვალებში ნაცარი შეეყარათ და ჯალათი პოლიციელები დაეცვა? ეს იყო მოტივაცია ჩვენი პარტნიორების ამ შეთანხმების დროს? რა თქმა უნდა, ეს ასე არ იყო და თქვენ ვერ და არ მოგცემთ იმის შესაძლებლობას, რომ საზოგადოებას ნაცარი შეაყაროთ თვალებში. ცდილობთ, რომ ანტისაოკუპაციო აქციის მონაწილეები გაუთანაბროთ ჯალათებს, რომლებმაც სისხლის სამართლის დანაშაული ჩაიდინეს და ამასობაში გინდათ, რომ ეს ადამიანები ყველა ერთნაირ დამნაშავეებად გამოაცხადოთ, რაც რა თქმა უნდა ასე არ არის. ეს კონკრეტული ჩანაწერიც არის იმის გამო, რომ გააგრძელოთ პოლიტიკური სპეკულაცია“, - განაცხადა ხაბეიშვილმა.


    მოცემული ვებ გვერდი Global Fund For Women -ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში." პროგრამა რეგიონში ქვემო ქართლის ქალთა ასოციაციამ ,,ქალი და სამყარო" განახორციელა.

ქალთა რადიო ვივი (Women and the World) შექმნილია ქვემო ქართლის ქალთა ასოციაცია ,,ქალი და სამყაროს" მიერ Global Fund For the Women-ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში."