Главная > კოვიდ 19 > კორონავირუსის "ომიკრონ" შტამის გავრცელებასთან დაკავშირებით, 8 ქვეყნის მოქალაქეებისთვის საქართველოს საზღვრის კვეთაზე, გარკვეული რეგულაციები დღეიდან ამოქმედდა
კორონავირუსის "ომიკრონ" შტამის გავრცელებასთან დაკავშირებით, 8 ქვეყნის მოქალაქეებისთვის საქართველოს საზღვრის კვეთაზე, გარკვეული რეგულაციები დღეიდან ამოქმედდა29-11-2021, 02:01. Разместил: mariko |
კორონავირუსის ახალი შტამის გავრცელებასთან დაკავშირებით, უწყებათაშორისი საკოორდინაციო საბჭოს გადაწყვეტილებით, 8 ქვეყნის მოქალაქეებისთვის საზღვრის კვეთასთან დაკავშირებით, რეგულაციები წესდება. ნებისმიერი პირი, მოქალაქეობის მიუხედავად, რომელსაც ბოლო 14 დღის განმავლობაში, აქვს შემდეგ ქვეყნებში მოგზაურობის ისტორია, საქართველოში შემოსვლისას ექვემდებარება 14-დღიან იზოლაციას/კარანტინს საკარანტინე სივრცეში. აღნიშნული ქვეყნებია: სამხრეთ აფრიკა ბოცვანა ზიმბაბვე ნამიბია ლესოტო ესვატინი (სვაზილენდი) მოზამბიკი მალავი 14-დღიანი იზოლაციის/კარანტინის დასრულების შემდეგ, პირებს ჩაუტარდებათ PCR-კვლევა. საქართველოს მოქალაქეების შემთხვევაში, საკარანტინე სასტუმროსა და PCR-კვლევის ხარჯებს ფარავს სახელმწიფო, ხოლო უცხო ქვეყნის მოქალაქეების შემთხვევაში - თავად უცხო ქვეყნის მოქალაქე. გადაწყვეტილება საკოორდინაციო საბჭომ აღნიშნულ ქვეყნებში კორონავირუსის ახალი „ომიკრონი" შტამის დაფიქსირების გამო მიიღო და ის 28 ნოემბრიდან ამოქმედდება. აღნიშნულ ინფორმაციას მთავრობის ადმინისტრაცია ავრცელებს. Вернуться назад |