სრული ინფორმაცია

დღეს, დი­ლით თბი­ლის­ში, ვაგ­ზალის ბაზრობაზე ძლი­ე­რი ხან­ძა­რი იყო. მოგვიანებით ცნობილი გახდა, რომ ხან­ძა­რი “ბორ­ჯო­მის ვაგ­ზლის” ტე­რი­ტო­რი­აზე გაჩნდა, სა­დაც ტან­საც­მლის, ხილ-ბოსტნე­უ­ლის და სხვა­დას­ხვა სა­ხის სა­სა­წყო­ბე ფარ­თე­ბია.

ვის ეკუთვნის დამწვარი „ბორჯომის ვაგზლის“ ტერიტორია

ამ დრო­ის­თვის ხან­ძა­რი ლიკ­ვი­დი­რე­ბუ­ლია და შე­დე­გად არა­ვინ და­შა­ვე­ბუ­ლა. თუმ­ცა, და­ზა­რა­ლე­ბუ­ლი მო­ვაჭ­რე­ე­ბი აცხადებენ, რომ გა­სა­ყი­დი სა­ქო­ნე­ლი მთლი­ა­ნად გა­უ­ნად­გურ­დათ.

“ძეტსკი მი­რის“ და­ზა­რა­ლე­ბუ­ლი ვარ და ახლა თა­ვის­თა­ვად, ცხოვ­რე­ბა­ში ვა­ლი­დან ვე­ღარ ამო­ვალ. ვინ რას გე­ტყვის, სა­ერ­თოდ ჩანს ად­მი­ნის­ტრა­ცი­ის წარ­მო­მად­გე­ნე­ლი".

"ზა­რა­ლი ძა­ლი­ან დი­დია შვი­ლო, მთე­ლი ზამ­თრის ტან­საც­მე­ლი ჩავ­კე­ცე, უნდა გა­მე­ტა­ნა და ისი­ნიც ჩა­მეწ­ვა - 3 000-ის ის მქონ­და. და­ახ­ლო­ე­ბით 7-8 ათა­სის ეს იქ­ნე­ბო­და. დი­ა­ბე­ტი­ა­ნი ქალი ვარ და ამა­ზე ამა­ზე ვი­ყა­ვით და­მო­კი­დე­ბუ­ლი ყვე­ლა­ნა­ი­რად"

“და­ზღვე­ვა არ მქონ­და. რას ვყიდ­დი ახლა იმ­დენს, რომ და­ზღვე­ვაც მქო­ნო­და, იქაც გა­და­მე­ხა­და და ხარ­ჯე­ბიც გა­მე­წია? მე რუს­თა­ვი­დან დავ­დი­ვარ, დღე­ში 5 ლარი გზა­ში მინ­და. აქე­დან ვი­ნა­ხავ­დი ოჯახს და პუ­რის ფულს ვშო­უ­ლობ­დი. პუ­რის ფულს ვშო­უ­ლობ­დით და ესეც მოგ­ვის­პეს", - ჰყვებიან დაზარალებულები “ტე­ლე­კომ­პა­ნია პირ­ველ­თან“.

„ბიზნესპრესნიუსი“ დაინტერესდა, ვის საკუთრებაშია „ბორჯომის ვაგზალი“.

ქონების საჯარო რესტრის მიხედვით, „ბორჯომის ვაგზალი“ ამ ეტაპზე „თბილისი ცენტრალის“ მართვაშია. უფრო კონკრეტულად, როგორც ცნობილია, კომპანიამ 2006 წელს ”საქართველოს რკინიგზის” მიერ გამოცხადებულ ტენდერში, გაიმარჯვა. შედეეგად, „თბილისი ცენტრალს“ თბილისის რკინიგზის ცენტრალური სადგურისა და ბორჯომის ვაგზლის რეკონსტრუქცია და მართვა 49 წლის ვადით გადაეცა.

რეპორტალის მიხედვით, სს „თბილისი ცენტრალი“ არის 2006 წლის 23 თებერვალს დაფუძნებული სააქციო საზოგადოება. 2006 წლის 15 მაისს კომპანიამ გააფორმა 49-წლიანი იჯარა თბილისის რკინიგზის სადგურის შენობაზე. კომპანიამ ქონება გარდაქმნა სავაჭრო ცენტრად, რომელიც 2010 წლის 21 მაისს გაიხსნა და დღემდე მოქმედია. (ცენტრალური ვაგზლის შენობა)

ამასთან, 2012 წლის 13 ივლისს საერთო კონტროლს დაქვემდებარებულმა საწარმომ, შპს „რივერსაიდ პლაზამ“, მოიპოვა საკუთრების უფლება თბილისის რკინიგზის სადგურის შენობაზე. ამ თარიღიდან, კომპანია ქირაობს შენობას შპს „რივერსაიდ პლაზასგან“. კომპანიას ჰყავს შვილობილი საწარმოები, შპს „ცენტრალ რითეილ“ და შპს „თისი ინვესტმენტს“, რომელთა 100%- იანი წილის მფლობელიცაა.

კომპანია, თავის შვილობილ საწარმოებთან ერთად, შეადგენს კომპანიების ჯგუფს. 2023 წლისა და 2022 წლის 31 დეკემბრის მდგომარეობით, კომპანიის 99,98%-ის პირდაპირი მფლობელია GRDC B.V. („მშობელი საწარმო“), რომლის 100%-ს ფლობს GRDC Holding BV. ორივე კომპანია ნიდერლანდებშია დაფუძნებული.

სამეწარმეო რეესტრის მიხედვით, „თბილისი ცენტრალის“ დირექტორი ლევან ყარალაშვილია.