DataLife Engine > Версия для печати > ბოლნისის მუნიციპალიტეტის გენდერული თანასწორობის საბჭო ყოველწლიურად უერთდება გენდერული ძალადობის წინააღმდეგ 16-დღიან კამპანიას

ბოლნისის მუნიციპალიტეტის გენდერული თანასწორობის საბჭო ყოველწლიურად უერთდება გენდერული ძალადობის წინააღმდეგ 16-დღიან აქტივიზმს. გამონაკლისი არც წლევანდელი წელია, კამპანიის ფარგლებში გაიმართება სხვადასხვა ღონისძიებები სახელწოდებით -„არა ძალადობას!“.

ჩვენი საბჭოს ერთ-ერთი მიზანია ოჯახში ძალადობის პრევენცია , ძალადობის მსხვერპლთა დახმარების უზრუნველყოფა. ოჯახში ძალადობის გამოვლენის, აღკვეთისა და თავიდან აცილებისათვის ეფექტიანი ღონისძიებების გატარება, ოჯახში ძალადობის მსხვერპლთა სოციალური და სამართლებრივი დაცვისა და დახმარების მექანიზმების გაძლიერება. აღსანიშნავია, რომ ბოლნისის მუნიციპალიტეტში მოქმედებს „ოჯახში ძალადობის მსხვერპლთა თავშესაფარი“, მსხვერპლთა ერთჯერადი მატერიალური დახმარებისა და ბინის ქირით უზრუნველყოფის პროგრამა.

გენდერული ძალადობის წინააღმდეგ მიმართული 16-დღიანი კამპანია მსოფლიოში 1991 წლიდან იმართება და მას არაერთი ქვეყანა და ათასობით ორგანიზაცია უერთდება. კამპანია 25 ნოემბრიდან 10 დეკემბრის ჩათვლით მიმდინარეობს და მიზნად ისახავს საზოგადოების ცნობიერების ამაღლებას და ქალთა მიმართ ძალადობის წინააღმდეგ ბრძოლის სფეროში არსებული გამოწვევების აქტუალიზაციას.