სრული ინფორმაცია

გადაცემის თემაა- სიძულვილის ენა.

ბოლო წლებია, მუდმივად არსებობს სიძულვილის ენის ტირაჟირების პრობლემა.

სიძულვილის ენასთან ბრძოლის კომპლექსური მიდგომა უნდა ითვალისწინებდეს ადამიანის უფლებებს, როგორც ინტერნეტსივრცეში, ისე მის გარეთ, განსაკუთრებით, მოწყვლად ჯგუფებთან მიმართებით, რომლებიც ყველაზე ხშირად ხდებიან სიძულვილის ენის სამიზნეები.

ეს მიდგომა ასევე ხელს უნდა უწყობდეს საზოგადოებრივ ერთიანობას და მკაფიოდ განსაზღვრავდეს სახელმწიფო ორგანოთა და სხვა ძირითად დაინტერესებულ მხარეთა პასუხისმგებლობებსა და როლს.

სიძულვილის ენა გვხვდება მედიასა და სოციალურ ქსელებში; მას ხშირად იყენებენ პოლიტიკოსები და საჯარო პირები, რასაც ხელს უწყობს არსებული სტერეოტიპები, დეზინფორმაცია და პოპულიზმი.

გადაცემის სტუმრები იქნებიან: ქალთა საინფორმაციო ცენტრის" აღმასრულებელი დირექტორი თეონა ჩიქოვანი, საქართველოს სამოქალაქო საზოგადოების განვითარების ასოციაციის გამგეობის თავჯდომარე გულიკო შოშიტაიშვილი.