CENN-მა ევროკავშირის ENPARD პროგრამის მხარდაჭერით მიმდინარე პროექტის „ეს წალკაა“ მრჩეველთა საბჭოს რიგით მეორე შეხვედრას ონლაინ უმასპინძლა.
11-02-2021, 18:54. Разместил: mariko
CENN-მა ევროკავშირის ENPARD პროგრამის მხარდაჭერით მიმდინარე პროექტის „ეს წალკაა“ მრჩეველთა საბჭოს რიგით მეორე შეხვედრას ონლაინ უმასპინძლა.
ღონისძიებაში მონაწილეობდა ევროკავშირის ENPARD-ის პროგრამის ოფიცერი და ატაჟე, ჟორჟ დეუ, საქართველოს გარემოს დაცვისა და სოფლის მეურნეობის მინისტრი, ლევან დავითაშვილი, წალკის მუნიციპალიტეტის მერის მოადგილე, ანზორ ხინიკაძე და ENPARD-ის პარტნიორი ორგანიზაციების წარმომადგენლები.
მრჩეველთა საბჭოს შეხვედრის მიზანი პროექტის ფარგლებში განხორციელებული და დაგეგმილი საქმიანობების გაცნობა, არსებული გამოწვევების გაზიარება, ინფორმაციისა და რეკომენდაციების ურთიერთგაცვლა და სამომავლო თანამშრომლობის განხილვა იყო.
შეხვედრაზე წალკის ადგილობრივი განვითარების ჯგუფის (LAG) თავმჯდომარემ და პროექტის მენეჯერმა წარადგინეს პრეზენტაციები და ისაუბრეს პროექტის პროგრესსა და გამოწვევებზე. შეხვედრაზე დრო დაეთმო პროექტის ფარგლებში შექმნილი კლიმატის ცვლილების შეფასების პრეზენტაციასაც.
შეხვედრის ბოლოს მონაწილეები მიმდინარე პროექტების დაახლოვებასა და შესაძლებლობების არსებობის შესაბამისად, აქტივობების თანამშრომლობით განხორცილებაზე შეთანხმდნენ.
Вернуться назад