შალვა ხაჭაპურიძის განცხადებით, საკუთარ სახლსა და ავტომობილში სათვალთვალო კამერები იპოვა

ნანახია: 285
სრული ინფორმაცია

საქართველოს მესამე პრეზიდენტის უფლებადამცველმა, შალვა ხაჭაპურიძემ საკუთარ სახლში და ავტომობილში სათვალთვალო კამერა აღმოაჩინა.

როგორც ადვოკატი „მთავარ არხთან“ საუბრისას აცხადებს, აპარატურა გუშინ საღამოს საათებში, შემთხვევით, სავარძელში იპოვეს, შემდეგ კი სათვალთვალო კამერა ავტომობილშიც ნახეს.

„პირველი პატარა სათვალთვალო კამერა თავისი მოწყობილობით იქნა აღმოჩენილი სავარძელში, სახლში, მაგიდის გვერდით. შემდეგ ჩავედით, მანქანა დავათვალიერეთ და იქაც ვიპოვეთ. მერე გარეთაც კარგად დავათვალიერეთ, იქაც ვნახეთ, სახლის წინ აყენია, დიდი კამერაა. გუშინ შემთხვევით აღმოვაჩინეთ, საღამოს პერიოდი იყო“, - აცხადებს შალვა ხაჭაპურიძე.

კითხვაზე, თუ ვისზე აქვს ეჭვი, ხაჭაპურიძე პასუხობს, რომ ალბათ, ფაქტი იმ პირებს უკავშირდება, ვინც მისი საქმიანობით დაინტერესებულია.

მისივე თქმით, შინაგან საქმეთა სამინისტრო ვალდებულია, საჯარო განცხადების საფუძველზე, რეაგირება მოახდინოს.

„საჯარო განცხადებას ვაკეთებთ და ვალდებულები არიან, თვითონ მოახდინონ ამაზე რეაგირება. მაგის დრო არ მაქვს, რომ განცხადებები ვწერო,“ - აღნიშნავს ადვოკატი.


    მოცემული ვებ გვერდი Global Fund For Women -ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში." პროგრამა რეგიონში ქვემო ქართლის ქალთა ასოციაციამ ,,ქალი და სამყარო" განახორციელა.

ქალთა რადიო ვივი (Women and the World) შექმნილია ქვემო ქართლის ქალთა ასოციაცია ,,ქალი და სამყაროს" მიერ Global Fund For the Women-ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში."