სრული ინფორმაცია
საქართველოს და უკრაინის ტერიტორიული მთლიანობის და თავისუფლების მხარდასაჭერად “ევროპული საქართველოსა” და სხვადასხვა ორგანიზაციის ორგანიზებით, რუსთაველის ძეგლიდან პარლამენტამდე მსვლელობა მიმდინარეობს.
მსვლელობის მონაწილეებს ქართული და უკრაინული წარწერით ბანერი აქვთ გაშლილი: “ ბოროტსა სძლია კეთილმან - არსება მისი გრძელია”.მსვლელობის მონაწილეები სკანდირებენ: “დიდება გმირებს!” , “საქართველოს გაუმარჯოს!”.
ორგანიზატორების ინფორმაციით, მსვლელობა პარლამენტთან აქციით დასრულდება.
“27 სექტემბერს სოხუმი დაეცა. 29 წლის წინ რუსეთმა საქართველოს - აფხაზეთი, ათასობით ქართველს კი სიცოცხლე წაართვა.
გენოციდს გამოქცეული ასიათასობით ადამიანი ისევ დევნილია და სახლში ვერ მიდის.
დღეს, უკრაინელების თავგანწირვამ შექმნა ისტორიული შანსი, რომ რუსეთი დამარცხდეს და პოლიტიკურად შეუძლებელი, პოლიტიკურად გარდაუვლად იქცეს - ქართველები შინ დავბრუნდეთ”,- აცხადებენ ორგანიზატორები.
წყარო: IPN