წიგნი „ეთნო ტაბლა“ ქვემო ქართლის კულინარიის რეცეპტები გააერთიანებს
1-07-2021, 13:59. Разместил: mariko
ქვემო ქართლისთვის დამახასიათებელი კულინარიული რეცეპტები წიგნში „ეთნო ტაბლა“ მოიყრის თავს.
კულინარიული წიგნების, მესხური, კოლხური, თუშური და ქისტური ტაბლას შემდეგ, USAID/Zrda გამოსცემს ახალ კულინარიუ კრებულს, „ეთნო ტაბლა“, რომელშიც თავმოყრილი იქნება, ქვემო ქართლის რეგიონში წარმოდგენილი ეთნიკური უმცირესობების (სომეხი, აზერბაიჯანელი, ბერძენი, გერმანელი, ასირიელი) ძველი კულინარიული რეცეპტები.
პროექტის ფარგლებში, ახალი კულინარიული წიგნის „ეთნო ტაბლას“ კერძების ტესტირების პროცესი და „ნუდლის სუპის“ მასტერკლასი გერმანული რეცეპტის მიხედვით, ბოლნისში გაიმართა და მასში მონაწილეობა USAID/საქართველოს მისიის დირექტორის მოადგილემ, დევიდ ჰოფმანმა, ქვემო ქართლის გუბერნატორის მოადგილემ კახა კობერიძემ და USAID/Zrda-ს ხელმძღვანელმა, ქეთი ჭუმბურიძემ „ბოკუზ დორ საქართველოს“ მონაწილე და გამარჯვებულ შეფ-მზარეულებთან ერთად მიიღო. ღონისძიებას ბოლნისის მუნიციპალიტეტის მერის მოადგილე ვალენტინა ნავერიანიც დაესწრო.
„ეთნო ტაბლა“ წარმოადგენს USAID/Zrda-ს მიერ საქართველოს გასტრონომიის ასოიაციასთან ერთად შემუშავებულ ახალ ტურისტულ პროდუქტს. ქართულ და ინგლისურ ენებზე შედგენილი წიგნი შექმილია მიზნობრივი რეგიონების, როგორც ადგილობრივი, ისე საერთაშორისო მასშტაბით პოპულარიზაციის მიზნით.
Вернуться назад