RadioWW / » ბოლნისი » გოგი მეშველიანი მის წინააღმდეგ გამოთქმულ ბრალდებებს პასუხობს

გოგი მეშველიანი მის წინააღმდეგ გამოთქმულ ბრალდებებს პასუხობს

თარიღი: 13-09-2021, 11:30 ნანახია: 625
სრული ინფორმაცია

ბოლნისის, წალკის დმანისისა და თეთრიწყაროს მაჟორიტარი დეპუტატი გოგი მეშველიანი მის წინააღმდეგ ბოლო დროს გაჟღერებულ ბრალდებებს პასუხობს. 

დეპუტატი ამბობს, რომ მისი ძმის გოჩა მეშვეიანის მიერ სოციალურ ქსელში გასაჯაროებული წერილისა და ტვ ,,პირველის" გადაცემა ,,ნოდარ მელაძის შაბათის" ეთერში გასული რეპორტაჟის უკან მისი ოპონენტები დგანან, რათა მოხდეს მისი გუნდის დისკრეტიდაცია და 2020 წლის საპარლამენტო არჩევნების შედეგებისთვის ჩრდილის მიყენება. 

რადიო WW გოგი მეშველიანის მიერ სოციალურ ქსელში გაკეთებულ განცხადებას უცვლელად გთავაზობთ.

,,მინდა გამოვეხმაურო ბოლო პერიოდში ჩემს ირგვლივ წამოწყებულ ცილისმწამებლურ კამპანიას, რომელიც მიმართულია ჩემი და ჩემი გუნდის დისკრედიტაციისთვის, რითაც სურთ 2020 წლის საპარლამენტო არჩევნების შედეგს ჩრდილი მიაყენონ და ამომრჩევლის კეთილი ნება ეჭვქვეშ დააყენონ.

ჩვენი ოპონენტების მხრიდან არაერთხელ გავმხდარვართ მსგავსი აბსურდული ბრალდებების მომსწრე თუმცა, ამჯერად, ეს ყველაფერი აქციეს ტრაგედიად და სცენაზე ჩემი ძმა გამოიყვანეს, რაც დამეთანხმებით, რომ ნებისმიერი ოჯახისა, თუ ადამიანისთვის დიდი ტკივილია.

მავანთ სურთ, 2021 წლის ადგილობრივი თვითმმართველობის არჩევნებში მსგავსი სიბინძურის ტირაჟირებით დაიწერონ პოლიტიკური ქულები, თუმცა, მე ღრმად ვარ დარწმუნებული, რომ მსგავსი ცილისმწამებლური კამპანიით ვერ შეძლებენ საზოგადოების შეცდომაში შეყვანას.

ალბათ, რომ არა, ამ თემით ერთერთი პარტიული ტელევიზიის დაინტერესება და ტრადიციულად არასიღრმისეული, გულგრილი, მიკერძოებული გაშუქება, კვლავ დუმილს შევინარჩუნებდი, მაგრამ მინდა საზოგადოებამ იცოდეს ჩემი პოზიცია ატეხილი აჟიოტაჟის მიმართ.

მთელ ამ ისტორიაში ჩემთვის ყველაზე რთული და საჩოთორო მომენტი გახლავთ, ის, რომ ჩემი ოჯახის წევრი ასე გამოხატავს ჩემდამი რაღაცით უკმაყოფილებას. სწორედ ეს არის ჩემთვის დიდი ადამიანური ტრაგედია და სირცხვილი ჩემი ოჯახისთვის. ხოლო დანარჩენი ყველაფერი არის საპნის ბუშტი.

მიუხედავად ყველაფრისა მე არ მივცემ თავს უფლებას საკუთარი ოჯახის წევრზე რამე ვთქვა, მხოლოდ უფალს ვთხოვ, შეუნდოს!

აქვე ,მინდა მადლობა გადავუხადო ადამიანებს, რომლებსაც უპირობოდ სჯერათ ჩემი , რომლებმაც არაერთხელ გამოხატეს ჩემდამი კეთილგანწყობა და მადლობა ღმერთს, რომ ასეთი ძალიან ბევრია. სწორედ, რომ ადამიანების ჩემდამი დამოკიდებულება მაძლიერებს და არასდროს მივცემ თავს უფლებას დავეცე. ვერანაირი ძალა ვერ შეძლებს ჩვენსა და საზოგადოებას შორის მრავალწლიანი ნდობის ხიდის ჩატეხვას.

გთავაზობთ ინტერვიუს იმ ნაწილს, რომელიც შეგნებულად ამოჭრა და არ გაუშვა პარტიულმა "TV პირველმა" , რათა სიუჟეტი დაემახინჯებინა."- წერს დეპუტატი




პოპულალური სიახლეები

პირდაპირი ეთერი

COVID-INFO

ბლოგები

.

    «    April 2024    »
    MonTueWedThuFriSatSun
    1234567
    891011121314
    15161718192021
    22232425262728
    2930 
    მოცემული ვებ გვერდი Global Fund For Women -ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში." პროგრამა რეგიონში ქვემო ქართლის ქალთა ასოციაციამ ,,ქალი და სამყარო" განახორციელა.

ქალთა რადიო ვივი (Women and the World) შექმნილია ქვემო ქართლის ქალთა ასოციაცია ,,ქალი და სამყაროს" მიერ Global Fund For the Women-ის მიერ დაფინანსებული პროგრამის " ქალები ცვლილებებისთვის- ქალები, რომლებიც მხარს უჭერენ ქალთა, გოგონათა და ტრანს ადამიანების უფლებებს, კულტურას, რელიგას, კონსერვატიზმს, ფუნდამენტალიზმსა და სამოქალაქო საზოგადოების სივრცის შექმნას რეგიონში."