სრული ინფორმაცია
საქართველოს პრემიერ-მინისტრის, ირაკლი ღარიბაშვილის ინიციატივით, სსიპ განათლების საერთაშორისო ცენტრი ახორციელებს სასტიპენდიო პროგრამებს, რომლის საშუალებით საქართველოს მოქალაქეებს, პირადობის ნეიტრალური მოწმობის ან/და ნეიტრალური სამგზავრო დოკუმენტის მფლობელებს შეუძლიათ მოიპოვონ გრანტი და სწავლა განაგრძონ საზღვარგარეთ, როგორც აკადემიური უმაღლესი განათლების პროგრამებზე, ასევე, კვალიფიკაციის ასამაღლებელ პროგრამებზე.
სსიპ განათლების საერთაშორისო ცენტრმა ამა წლის 1 მარტს გამოაცხადა სასტიპენდიო პროგრამები: საერთაშორისო სამაგისტრო პროგრამები 2023-2024,
საერთაშორისო სადოქტორო პროგრამა 2023-2024, საერთაშორისო სახელოვნებო აკადემიური პროგრამები 2023-2024, საზღვარგარეთ კვალიფიკაციის ამაღლების პროგრამა 2023-2024. ეს უკანასკნელი გულისხმობს საჯარო (საბიუჯეტო) დაწესებულებაში დასაქმებულთათვის
საზღვარგარეთ კვალიფიკაციის ამაღლების პროგრამების დაფინანსებას კონკურსის წესით.
კონკურსანტის მიერ შერჩეული კვალიფიკაციის ამაღლების პროგრამის თემატიკა უნდა შეესაბამებოდეს დაკავებული თანამდებობით დაკისრებული საქმიანობის შინაარსს, არანაკლებ 5 დღის და არაუმეტეს 3 თვის ხანგრძლივობის.
განაცხადების მიღება წარმოებს ელექტრონულად მიმდინარე წლის 10 აპრილის ჩათვლით.
საკონკურსო პირობების და პროცესის შესახებ დეტალური ინფორმაცია ხელმისაწვდომია ცენტრის ოფიციალურ ვებ გვერდზე iec.gov.ge.